160               TESTAMENTS ENREGISTRÉS AU PARLEMENT DE PARIS            (400)
l'Escot, son nepveu, et qu'il aura partie de ses heritages à cause de sa femme, niepce du dit testateur, et pour ce il volt et ordonna que après son decès, les obseques faites et son testament acompli, le résidu de tous ses biens meubles seulement soit vendu, et les deniers qui en ys-tront divisiez en trois parties, desqueles l'une demourra au dit Guiot et à sa femme, ses heritiers, pour eulx et pour leurs enfans nourrir et avancier, et que le second tiers soit distribué aux povres hospitaulx, maisons Dieu, maladeries et autres povres lieux ordonnez pour les povres recevoir es cité et villesd'Arraz, de Bappaulmes, de Lens, de Douay et de Bethune, et des villes estans ou temporel de l'eveschié d'i\rraz, selon les estaz des diz lieux et necessité d'iceulx, à la diserecion des executeurs de ce present testament, les uns plus, les autres moins, par bonne informacion, et le derrain tiers à povres mesnagiers séculiers des parroisses assises en la partie de Paris qui est par deçà Petit Pont et le Pont Neuf dedans les murs, excepté de la parroisse Saint Andrieu, où il a esté pourveu, et si a esté pourveu à aucuns povres escoliers.
Item, le dit testateur volt et ordonna que, se en son vivant il paie aucuns des lais par lui cy dessus faiz, il, ses diz executeurs et heritiers après son decès en soient et demeurent quictes et deschargiez.
Item, le dit testateur considerant que le service divin qui est offers liberalment est plus agreable à Dieu nostre createur que celui qui est fait par convencion, il requiert et prie par cestui sien present testament aux personnes des eglises à qui cy dessus il a fait lays que, eue deli-beracion et advis entre eulx, ilz baillent par declaracion en escript à ses diz executeurs, pour memoire et sans autre obligacion, quelz services et prieres ilz vouldront faire pour le salut de l'ame du dit testateur, et qu'il soit enregistré en leurs registres ou matrologès, et que les lettres qu'ilz en bailleront soient mises en un coffret qui sera baillie en garde aux abbé et convent de Saint Remi de Reins à perpetuité, qui le me-tront avec leurs autres Chartres et lettres.
Item, le dit testateur dist et declaira en la presence des diz notaires que, ce present sien testament acompli et mis à execucion, le dit Guy l'Escot, escuier, demourant à Reins, à cause de damoiselle Marguerite,